"When they knew God, they glorified Him not as God." Romans." 1:21
"Kahit na kilala na nila ang Diyos, Siya'y di nila pinarangalan bilang Diyos." Roma 1:21
Maaaring ang tao'y marunong at malinaw ang pakaunawa, kilala niya at alam ang kalooban ng Diyos, maraming alam Kay Cristo at sa Kanyang daan, ngunit siya ay hindi lubos o hindi totoong Cristiano.
Oo, maaaring malinaw ang kanyang pakakilala ngunit ang kalooban niya ay hindi nabago. Maaaring may pagkaunawa siya na kilalanin ang Diyos ngunit wala naman sa kalooban niya ang sumunod sa Diyos. Ito ang sinasabi sa atin ni Paul sa ating talata.
Upang ang tao'y maging isang totoong Cristiano, dapat may liwanag ang kanyang isip, at may init sa kanyang puso, may kaalaman sa pag-unawa at kasipagan sa kanyang ginagawa. Ang iba'y masipag ngunit walang alam - ito'y bulag na debosyon. Ang iba'y maraming alam ngunit tamad -ito'y walang kwentang pakikipagsapalaran. Ngunit kung may alam na may kasamang kasipagan, siya ay isang totoong Cristiano.
Ang kaalaman ay maaaring pumuno sa isip, ngunit walang saysay kung wala ito sa puso. Ang mga Pariseo ay marurunong, ngunit sila'y mga lahi ng mga mapagkunwari! Sayang, gaano karami ang sobrang marurunong na nasa impyerno!
Hindi ang mga kaalaman tungkol sa Diyos at kay Cristo ang makapagdadala ng kaluluwa sa buhay na walang hanggan. Bakit ba ang mga demonyo ay mapapahamak? Kumpara sa mga tao, mas marami silang alam tungkol sa Diyos, ngunit dahil sa pagkakasala, nawala ang kanilang kabanalan, gayunman, di nawala ang kanilang kaalaman. Ang tawag sa kanila ay daimones dahil sa kaalaman, ngunit sila ay diaboloi dahil sa masamang hangarin, demonyo pa rin.
Ang nagliligtas na kaalaman tungkol sa Diyos at kay Cristo ay kasama ang pag-ayon ng isip at pagsang-ayon ng kalooban. Ito ang kaalamang umaakay tungo sa buhay na walang hanggan. Kapag walang pinagsamang kaalaman, pag-ibig at paggawa, siya ay wala kundi isang hindi lubos o hindi totoong Cristiano.
Ang totoong nakakakilala sa Diyos ay ang marunong sumunod sa Diyos, at siya'y sumusunod ayon sa pagkakakilala niya sa Diyos. "May mabuting pagkaunawa ang lahat ng nagsisisunod sa Kanyang mga utos" (Ps 111:10). Ang lahat ng pagkakilala kung wala ito, ay tulad ng larawan ni Nebuchadnezzar, na "ang ulo ay ginto, at ang paa ay putik."
Ang alam ng iba'y matuto lang. Ang iba'y matuto upang matanyag. Ang iba'y matuto upang isagawa ang natutunan.
Ang matuto lang ay upang umusyuso. Ang matuto upang matanyag ay kayabangan. Ngunit ang matuto upang isagawa ang natutunan ay ang gumaganap ng tungkulin sa Ebanghelyo - at ito ang kumukumpleto sa isang Cristiano. Ang iba na wala nito ay halos isa nang Cristiano, ngunit hindi ganap o hindi totoong Cristiano.
- Matthew Mead (1629-1699), "Almost a Christian Discovered"
Translated by Arnel Belando
No comments:
Post a Comment